ليش تستحي من أبوك اكثر من امك ..؟؟؟؟

بسم الله الرحمن الرحيم

كثير من العيال والشباب يومونون على أمهم أكثر من أبوهم
يعني اذا يبي فلوس أو بيطلب شي أو بيسأل عن شيء
تشوفونه يستحي كثير من أبوه
ويحط الحرقة في أمه
أحيانا الأب يحط حاجز بينه وبين عياله ويكون جاد أكثر من اللازم
وأستغرب من هالعلاقة الغريبة اللي بين الأب وولد أو بنته
أنا أقول الاحترام لابد منه بس مومسأله الخوف او الحياء الزايد
مع الأبوا..
يعني تشوف الأبوا يسالف مع عيال الناس وعيال ربعه
بس مع عياله يكون غير واضح ويكون تصرفه معاه غريب وجدي أكثر من اللازم.
في المقابل في أبهات مثل الأصدقاء مع عيالهم وهذا شيء ممتاز
بس قلنا لابد أن يكون بينهم احترام

أنا وأنا صغير كنت كثير كثير أستحي من أبوي والله استحي أطلبه ريال
مع أنه أبوي كبير وأنا أخر العنقود بس أستحي منه ...
يوم كبرت اشوي صرت أمون عليه أكثر وأضحك معاه والحمدلله صارت العلاقة ممتازة احترام وبدون حياء زايد.

بصراحة ماأدري شالسبب ؟؟
هل هو خوف ؟؟ هل هو حياء ؟؟

ترى انا أتكلم من جد فيه أولاد يستحون من ابهاتهم بطريقة غريبة غريبة!!!
طيب العيال ماتنلام اذا استحت من الابو بس الأبوا ليش مايكسر هالحاجز ؟؟؟

وهذا موضوعي وننتظر تعليقاتكم

أنا ملاحظة هالشي وبقوة وخاصة من جانب الأولاد بصراحه دايم اسال نفسي ليه ؟
وهالاجابة نلقاها عندكم يالاولاد